د این ډی اېم اے چیئرمین لیفټیننټ جنرل محمد افضل میډیا ته بریفنګ

APP05-13 ISLAMABAD: May 13 Chairman NDMA, Lieutenant General Muhammad Afzal addressing a media briefing at PID media center. APP photo by Saleem Rana

اسلام آباد 13 مئی (اے پی پی) د نیشنل ډیزاسټر مینجمنټ اتھارټی (این ډی اېم اے) چیئرمین لیفټیننټ جنرل محمد افضل وئيلي دي د كورونا وائرس وباﺀ څخه بچ كيدو لپاره چین څخه اخستلې يو لكهه ټنه څخه زيات طبی سامان پاكستان ته رارسيدلې دے ، د وینټی لیټرز نه علاوه اوس ټول حفاظتی سامان په ځائې ماركیټ كښې اخستلې كيږي، د سامان اخستلو او ترسیل عمل كښې سپيځلتيا باوري كوو ،د كورونا ټیسټنګ لپاره ټول سامان لرو،دا مهال هيواد كښې 70 لیبارټرۍ كار كوي، د قحطې ملخانو مخ نيوي لپاره زمكيزه او د فضائی سپرے انتظام شوے۔ د دې خیالاتو څركندونه ده د شورو په ورځ د میډیا بریفنګ په مهال وكړه۔ د این ډی اېم اے چیئرمین د ورونا وائرس وباﺀ څخه بچ كيدو لپاره د طبی سامان اخستلو او ترسیل په اړه تفصیل بيان كړو۔ده ووئيل مارچ مياشت كښې په پاكستان كښې د كورونا څخه بچ كيدو لپاره عام ماسك هم نه ترلاسه كيدو٬ كوم ماسك به چې موجود ؤ د هغې بيعه به زياته وه خو نن د وینټی لیټرز نه علاوه ټول سامان پاكستان كښې جوړيږي او د هغې بيعې هم د معمول ترمخه دي۔ ده ووئيل اول د طبی سامان په ټوله نړۍ كښې د طلب له امله چین څخه د سامان اخستل يو چیلنج ؤ خو این ډی اېم اے خپلې ذمه وارۍ ترسره كولو سره د هيواد ضرورت له مخې د سامان اخستو انتظام كړے او تر اوسه د 11 پروازونو د لارې يو لاكھ ټن څخه زيات سامان پاكستان ته رارسيدلې۔ لیفټیننټ جنرل محمد افضل ووئيل د سامان اخستلو او ترسیل كښې شفافیت باوري كولو لپاره ټولې ضابطې بشپړې شوې۔ ده ووئيل این ډی اېم اے په هڅو حفاظتی سامان په ځائي ماركیټ كښې جوړيدل پيل شوي او نن ټول سامان ځائې ماركیټ څخه ترلاسه كيږي چې ورسره زيات فنډز بچت شوے۔ده ووئيل 3 نه تر4 مياشتو لپاره حفاظتی سامان سټاك باوري كولو نه پس د ځائې ماركیټ څخه د حفاظتی سامان برآمد كولو د امكانات جاج اخستلې كيدې شي۔ ده ووئيل این ډی اېم اے ویئر هاؤس كښې د يوې مياشت سټاك لري، د سامان اخستلو ، شته والي او ترسیل ټول تفصیلات په ویب سائټ جاری كيږي۔ ده ووئيل د كورونا په ضد د فرنټ لائن طبی عملې حفاظت لپاره سامان وركول يو چیلنج ؤ، ټول هيواد كښې د كورونا رنځورانو خيال ساتلو لپاره د عملې حفاظت له څلور كھیپه سامان رسولے شوے دغسې د 5م كھیپ ترسيل روان دے۔ ده ووئيل این ډی اېم اے د حفاظتی سامان نه ترلاسه كيدو ګيلو اندراج له هیلپ لائن جوړ كړے په كوم چې ځينې ګيلې راغلي او كومې چې مونږ سمدستي لرې كړي ۔ لیفټیننټ جنرل محمد افضل ووئيل د ټیسټنګ سامان شته والي په بنیاد د 50 زره ټیسټونو كولو استعداد لرو، مارچ كښې په هيواد كښې يواځې 5 لیبارټری وې دغسې دا مهال ټول هيواد كښې 70 لیبارټری كار كوي۔ ده ووئيل په لويديزه پوله د قرنطینه مركزونو جوړولو نه علاوه این ډی ایم اے په هوائی ميدانونو قرنطینه آسانيو سره سره سپرے كولو له هم معاونت كوي۔ د این ډی اېم اے چیئرمین د قحطې ملخانو مخ نيوي لپاره د پورته كړو اقداماتو په اړه ووئيل ځپليو سيمو كښې د زمكيزې سپرے سره سره د فضائی سپرے انتظام هم شوے، دې مقصد لپاره 5 چورلكو سره مشینری لګولې شوې دغسې سپرے لپاره 2 الوتكې هم تيارې كړې شوي، په دې كښې يو سپریئر الوتكه د تركیې څخه راغوښتلې شوې ۔ ده ووئيل په قحطې ملخانو قابو موندلو له چین سپرے او سپریئرز راكړي په دې مونږ د هغوي مننه كوو۔د يوې پوښتنې په ځواب ده ووئيل لاك ډاؤن كښې نرمی د عامو وګړو آسانيو لپاره شوې،دا اوس زمونږ د ټولو ذمه واري ده چې ضروری احتیاطی تدابیر باندې عملدرآمد كولو سره د كورونا وائرس څخه خپل ځان اوساتو او نور هم بچ كړو

مضمون کا ماخذ : جنگل کے راز

متعلقہ مضامین