اسلام آباد۔5مارچ(اے پی پی):الیکشن کمیشن خیبرپختونخوا توں قومی اسمبلی کیتے تریمتیں اتے اقلیتاں دی مخصوص نشستاں دا اعلامیہ جاری کر ݙتے۔ قومی اسمبلی اچ مسلم لیگ ن کوں خیبرپختونخوا نال 4 نشستاں مل گئن، جمعیت علماء اسلام اتے پیپلز پارٹی کوں 2، 2 نشستاں ملین۔ تریمتیں دیاں مخصوص نشستاں تے مسلم لیگ ن دی صوبیہ شاہد، غزالہ انجم، شہلا بانو اتے شاہین آ ڳن۔ جے یو آئی دی نعیمہ کشور، صدف احسان، پیپلز پارٹی دی عاصمہ عالمگیر اتے نعیمہ کنول منتخب تھن۔ خیبرپختونخوا توں اقلیتاں دی 3 نشستاں مختلف پارلیمانی جماعتاں کوں الاٹ کرݙتیاں ڳن۔ مسلم لیگ ن، پیپلز پارٹی اتے جے یو آئی کوں ہک ہک نشست الاٹ کرݙتی گئی۔