اسلام آباد۔25مئی (اے پی پی):وزیراعظم دےمشیر امور کشمیر و گلگت بلتستان قمرزمان کائرہ آکھیے پاکستان افریقی اقوام نال آپݨا تجارتی حجم ودھاوݨ ، زراعت ، فارماسوٹیکل ،سرمایہ کاری اتے تجارت دے شعبیں اچ تعاون ودھاوݨ کیتے پرعزم اے، ساݙا ملک اقوام متحدہ دے امن مشن دے تحت افریقا اچ قیام امن کیتے وݙے عرصے توں آپݨی خدمات پیش کریندا پئے ، پاکستانی جامعات اچ افریقی ملکاں دے طالب علماں کوں سکالرشپس ݙیندے پئن ۔ افریقا دے قومی ݙینھ دی مناسبت نال انسٹیٹیوٹ آف سٹریٹجک سٹڈیز اسلام آباد اچ منعقدہ تقریب توں خطاب کریندے ہوئیں قمر زمان کائرہ آکھیے پاکستان دی مسلح افواج دے دستیں اقوام متحدہ دے امن مشن دے تحت افریقا اچ خدمات سرانجام ݙتن، ایندے نال نال پاکستان افریقن یونین دا بھر پور حمایتی اے اتے موسمیاتی تبدیلی ،امن اتے غربت مکاوݨ سودھے مختلف شعبیں اچ نیڑے تعاون دا حامل اے ۔