پاکستان اتے امریکہ وسیع البنیاد شراکت داری ٻݨیدے پن، ویلھے توں پہلے انتخابات تھئے تاں عمران خان نا جیت سڳسن، وزیر خارجہ بلاول بھٹو زرداری دا امریکی نشریاتی ادارے کوں انٹرویو

اسلام آباد۔15دسمبر(اے پی پی)وزیر خارجہ بلاول بھٹو زرداری آکھیے جو پاکستان اتے امریکا ݙو طرفہ تعلقات اچ مثبت ڳنݙھا ودھیندے پن، دہشتگردی دی جنگ اچ ہتھ ونݙاوݨ توں بعد ہݨ امریکا اتے پاکستان وسیع البنیاد شراکت داری ٻݨیدے پن، پاکستان کوں اوکھی معاشی صورتحال، مہانڳ اتے ایندھن دیاںو دھدیاں قیمتاں دا چیلنج درپیش اے، امریکا سودھا چین اتے روس نال جڑیا راہوݨ وی ساݙے کیتے ٻہوں ضروری اے۔ عمران خان کی کوڑی مقبولیت دا بینہ سامݨے آچکیے، جیکر ویلھے توں پہلے انتخابات تھئے تاں عمران خان نا جیت سڳسن۔ اے ڳالھ انہاں امریکی نشریاتی ادارے ”پبلک براڈکاسٹنگ سروس“ کوں انٹرویو اچ آکھی۔ انہاں آکھیا جو پاکستان اتے امریکا کوں باہمی دلچسپی دے متفق شعبیاں اچ رل تے کم کرݨا ہوسی، ماحولیات اتے صحت دے شعبیاںا چ تعاون ودھاوݨ دی لوڑھ اے، تریمتیں کیتے کاروباری و اقتصادی مواقع ڳولیندے پئے ہیں۔ وزیر خارجہ آکھیا جو چین ہمسایہ ملک اے جیندے نال تاریخی تعلقات اتے ساڄھے داری ضروری اے، ڄݙاں وی پاکستان اتے امریکا رل تے کم کیتے کامیابی ہی ملی اے، امریکا اتے پاکستان ݙوہیں کیتے ضروری اے جو اساں چین نال جڑیے راہووں، روس نال توانائی دے شعبے دی لوڑھ پوری کرݨ کیتے کامیابی اچ ویلھا لڳسی۔ بلاول آکھیا جو اساں عمران خان کوں تحریک عدم اعتماد دے آئینی طریقے نال ہٹائے، سوشل میڈیا تے عمران خان دی مقبولیت دا غلط تاثر پیش کیتا ڳئے جو ضمنی الیکشن اچ اپݨیاں ہی سیٹاں تے جیت کوں کامیابی قرار ݙتے ٻھل اے حقیقت نئیں، جیکر ویلھے توں پہلے انتخابات تھئے تاں عمران خان نا جیت سڳسن۔

مضمون کا ماخذ : لیپریچون کی خوش قسمتی۔

متعلقہ مضامین