حکومت دی ݙینھ رات محنت نال پاکستان ہک واری ولا گرے لسٹ توں ٻایر نکلیے، عمران خان سرٹیفائیڈ خائن اتے چور ثابت تھی ڳے، وزیر اعظم محمد شہباز شریف دی پریس کانفرنس

لاہور۔22اکتوبر (اے پی پی) وزیراعظم محمدشہبازشریف آکھیا جو حکومت دی ݙینھ رات محنت نال پاکستان ہک واری ولا گرے لسٹ توں ٻایر نکلیے، عمران خان سرٹیفائیڈ خائن اتے چور ثابت تھی ڳے۔ آرمی چیف دی تعیناتی ہک آئینی مسئلہ اے، عمران خان اینکوں سیاسی ٻݨاوݨ چاہندے، اسحاق ڈار دی وطن واپسی دے بعد ملک معاشی طور تے استحکام آلے پاسے ٹر پے اتے ڈالر دے مقابلے روپیہ ٹکدا پئے۔ مسلم لیگ (ن) گالم گلوچ اتے الزامات دی سیاست تے یقین رکھیندی ، الیکشن کمیشن دے توشہ خانہ فیصلے دے بعد عمران خان ہک سرٹیفائیڈ خائن اتے چور ثابت تھی ڳے۔ اے ڳالھیں انہاں چھݨ چھݨ کوں ماڈل ٹاؤن لاہور اچ پریس کانفرنس توں خطاب کریندیں ہوئیں آکھی۔ ایں موقع تے وزیراعظم دے معاون خصوصی عطا تارڑ اتے وفاقی وزیر قانون اعظم نذیر تارڑ وی انہاں نال ہن۔ محمد شہبازشریف آکھیا جو اللہ تعالیٰ دے فضل و کرم نال پاکستان فنانشل ایکشن ٹاسک فورس( فیٹف) دی گرے لسٹ توں نکل آئے جئیں تے پوری قوم مبارخ دی مستحق اے۔

مضمون کا ماخذ : کینڈی کیش

متعلقہ مضامین