اسلام آباد۔25مئی (اے پی پی):وزیراعظم شہباز شریف آکھیے جو حکومت سارے اتحادیاں نال رل تے عوامی فلاح و بہبود دے ایجنڈے کوں توڑ پڄاوݨ کیتے ݙینھ رات کم کریسی۔ وزیراعظم آفس دے میڈیا ونگ توں جاری بیان موجب اے ڳالھ انہاں بلوچستان نیشنل پارٹی دے سینئر رہنماواں دے وفد نال ھک ملاقات اچ آکھی اے ۔ وفد اچ وزیر سائنس و ٹیکنالوجی آغا حسن بلوچ، وزیر مملکت توانائی محمد ہاشم نوتزئی، سینیٹر محمد قاسم رانجو اتے بی این پی دے سیکریٹری جنرل جہانزیب حسین شامل ہن۔ملاقات اچ مجموعی سیاسی صورتحال تے وی ڳالھ کیتی ڳئی ۔بی این پی وفد دی طرفوں حکومتی پالیسیاں دی مکمل تائید دا اظہار کیتا ڳئے ۔ملاقات اچ وزیر اعظم آکھیے جو حکومت سارے اتحادیاں نال رل تے عوامی فلاح و بہبود دے ایجنڈے کوں توڑ پڄاوݨ کیتے ݙینھ رات کم کریسی ۔