وزیراعظم عمران خان دے دورہ گوادر نال بلوچستان اچ ھک نویں دور دا آغاز تھئے، ،وفاقی وزیر دفاعی پیداوار

کوئٹہ۔8جولائی (اے پی پی):وفاقی وزیر دفاعی پیداوار زبیدہ جلال آکھیے جو وزیراعظم عمران خان دے دورہ گوادر نال بلوچستان اچ ھک نویں دور دا آغاز تھئے ، موجودہ دور حکومت اچ بلوچستان ترقی دے رستے تے ٹردا پئے ،احساس پروگرام اچ وی بلوچستان کوں پورا حصہ ملدا پئے ، سی پیک تے ہنگامی طور تے کم جاری اے ، گوادر دے بغیر سی پیک محال اے،ایہا وجہ اے جو وزیراعظم اپݨی مصروفیات توں بلوچستان کیتے ہمیشہ وقت کڈھیندے رہین،وزیراعظم دا اڄوکا دورہ گوادر وݙا کامیاب رہیا،اے ڳال وفاقی وزیرزبیدہ جلال مختلف وفد نال ڳال مہاڑ کریندے ہوئیں آکھی اے ۔وفاقی وزیر دفاعی پیداوار زبیدہ جلال آکھیے وزیراعظم عمران خان دی قیادت اچ بلوچستان اچ ترقیاتی کم شروع ہن ، بلوچستان دے حوالے نال عمران خان دی سوچ ہمیشہ مثبت رہی اے، وزیراعظم عمران خان آپݨے ترائے سالہ دور اقتدار اچ صوبے تے چنڳی توجہ رکھی ، بلوچستان دے ھک عام بندے کوں سڑک، تعلیم، صحت دی سہولت تے ترقیاتی کماں دی لوڑھ اے ، جیں اچ وزیراعظم عمران خان کوئی کسرباقی نی چھوڑی ،مکران اچ ارباں روپے دے پیکیج توں تلویں سطح تے کم شروع تھی ڳئے ،روڈ رستے اتے علاقے اچ تعلیم وصحت تے خصوصی توجہ ݙتی ویندی پئی اے ،احساس پروگرام اچ وی بلوچستان کوں پورا حصہ ملدا پئے ، ماضی اچ بلوچستان اچ اتنی گڈگورننس نال کم نی تھیا جتنا اڄ عمران خان دی قیادت اچ تھیندا پئے ۔

مضمون کا ماخذ : نتیجہ میگا سینا

متعلقہ مضامین