اسلام مخالف قوتاں مسلماناں اتے ساڈے مذہب بارے منفی سازشاں اچ مصروف ہین ،اساں اپنڑے اتحاد نال ہی انہاں دی منفی سوچ اتے سرگرمیاں کوں ہرا سگدے ہیں،وزیر مملکت برائے داخلہ شہریار آفریدی دا کنونشن سینٹر اچ ینگ لیڈرز سمٹ 2019ءنال خطاب

اسلام آباد ۔ 31 مارچ (اے پی پی)وزیر مملکت برائے داخلہ شہریار آفریدی آکھیے جو اسلام مخالف قوتاں مسلماناں اتے ساڈے مذہب بارے منفی سازشاں اچ مصروف ہین ،اساں اپنڑے اتحاد نال ہی انہاں دی منفی سوچ اتے سرگرمیاں کوں ہرا سگدے ہیں۔کنونشن سینٹر اسلام آباد اچ ینگ لیڈرز سمٹ 2019ءنال خطاب اچ انہاں آکھیے جو پورا جگ پاکستان دے نینگراں دی صلاحیتاں دا معترف اے،پاکستانی قوم جاگدی پئی اے،اساں ہر مذہب دا تحفظ کریسوں اتے اللہ توں آونڑ آلی ہر آزمائش دا سامنڑا صبر شکر نال کریسوں ،جیکر ساکوں عزت چاہیدی اے تاں ساکوں نبی پاکدا طرز زندگی اپنا تے ٹرنڑا ہوسی ۔ انہاں آکھیے جو پاکستان دے خلاف کوئی محب وطن زبان نئیں کھولیندا جیکر کوئی ایویں کریندے تاں او کہیں بئے دا آلہ کار اے،قانون کوں ہتھ اچ گھنڑ آلے کوں معاف نہ کیتا ویسی،پاکستان دے فیصلے ملک دے مفاد اچ پاکستان اچ ہی تھیسن،ملکی سلامتی اتے خودمختاری تے سمجھوتہ نہ کریسوں۔

مضمون کا ماخذ : سانتا کی جنگلی سواری۔

متعلقہ مضامین