لاہور۔11ستمبر(اے پی پی):نگران وزیراعلی پنجاب محسن نقوی ملتان اچ نشتر ہسپتال ٹو دا دورہ کیتے اتے آوٹ ڈور شعبے دے مختلف حصے ݙٹن۔ او زیر تکمیل ایمرجنسی، ویٹنگ ایریا، ایڈمن بلاک اتے ریڈیالوجی دے شعبہ وی ڳن اتے فارمیسی، آپریشن تھیٹرز، سی ٹی سکین اتے بیسمنٹ وی ونڄ ݙٹھن۔ سیکرٹری تعمیرات و مواصلات اتے نشتر ٹو دے پراجیکٹ ڈائریکٹر منصوبے تے بریفنگ ݙتی۔ نگران وزیراعلی ہسپتال دے تعمیراتی اتے ٻئے منصوبے تیکھے مکمل کرݨ دی ہدایت کریندے نشتر ٹو کوں تیکھے فعال کرݨ دا آکھیا جو ایندے نال ٻہوں وݙے سرائیکی علاقے دے لوکاں کوں چنڳاں اتے معیاری علاج معالجہ دیاں سہولتاں ملسن۔ صوبائی وزرا، چیف سیکرٹری،انسپکٹر جنرل پولیس، سیکرٹریز اتے ٻعے حکام وی موجود ہن۔ بعد اچ نگران وزیراعلی محسن نقوی ملتان انسٹی ٹیوٹ آف کڈنی ڈیزیز اتے ڈسٹرکٹ ہیڈ کوارٹر ہسپتال ملتان دی نویں ٻݨݨ آلی عمارت دا وی دورہ کیتے۔