اسلام آباد۔16مئی(اے پی پی) وزارت وقومی صحت و خدمات دی طرفوں قومی اسمبلی کوں ݙسایا ڳئے جو منکی پاکس وائرس روکݨ کیتے وزارت صحت دی طرفوں بارڈرز ہیلتھ سروسز سودھے سارے متعلقہ اداریں کوں تکڑا رہݨ دی ہدایت کیتی ڳئی اے ، پاکستان اچ ایں وائرس تے این سی او سی مکمل نظر رکھی ہوئی اے ۔ عالیہ کامران دے ملک اچ منکی پاکس کھنڈݨ متعلق توجہ مبذول نوٹس دا جواب ݙیندے ہوئیں پارلیمانی سیکرٹری صحت ڈاکٹر شازیہ ثوبیہ آکھیے 2022 اچ دنیا دے مختلف ملکاں اچ اے ساݙے سامݨے آئے۔ پاکستان اچ سعودی عرب توں آوݨ آلے ݙو مسافراں اچ ایں مرض دی نشاندہی 17 اپریل 2023 کوں تھئی ۔ انہاں اوچں ھک بندے اچ یہ وائرس پاتا ڳئے۔ اساں وزارت صحت دے سارے متعلقہ اداریں کوں ہدایت کرݙتی اے، این سی او سی وی ایں تے پوری طرح متحرک اے ، پاکستان اچ اے مر ض کھنڈݨ دے امکانات نظر نی آندے پئے ۔