اسلام آباد۔27مارچ(اے پی پی)وزیراعظم مشیر برائے امور کشمیر و گلگت بلتستان قمر زمان کائرہ آکھیے جو الیکشن کمیشن دی 8 اکتوبر دی تاریخ منطقی اے، ملک اچ استحکام اتے جھیڑے توں بچݨ کیتے ہک درست فیصلہ اے، صاف شفاف انتخابات کیتے ملک اچ امن و امان ضروری اے، جیکر الیکشن کمیشن ملک اچ بہتری کیتے ہکے ویلھے انتخابات چاہندے تاں کہیں کوں کای اعتراض اے؟ ایں بارے جذباتی فیصلہ نا کیتا ونڄے، ملکی مسائل دے حل کیتے اجتماعی دانش دی لوڑھ اے۔ پریس کانفرنس نال خطاب کریندے قمر زمان کائرہ آکھیے جو ملک اچ ہیجانی کیفیت اے، ہر پاسے کاوڑ اے، عقل، فہم اتے تدبر دی بجائے صرف ہک ٻئے نال دشمنی دے حالات ٻݨ ڳن جیندے ذمہدار عمران خان ہین، پاکستان کوں اڄوکے بحران توں نکلݨ کیتے سمڄھداری نال فیصلے کرݨے ہوسن۔ انہاں آکھیا جو ملک دے ݙو صوبیاں اچ پہلے انتخابات نال فساد دا چنتا اے، ایں سانڳے حقائق ݙیکھݨے ہوسن۔