الیکشن کمیشن پی ٹی آئی دی فنڈنگ کیس دی سماعت روکنڑ دی درخواست مسترد کر ڈتی ،تفصیل جمع کراونڑ سانگے 7ستمبر تئیں چھیکڑی مہلت

اسلام آباد ۔ 16 اگست (اے پی پی)چیف الیکشن کمشر جسٹس سردار رضا دی سربراہی اچ5 رکنی بنچ پاکستان تحریک انصاف ولوں پارٹی فنڈنگ کیس دی سماعت روکنڑ دی درخواست مسترد کریندے ہوئیں پی ٹی آئی کوں 7ستمبر تئیں پارٹی فنڈنگ دی تفصیل جمع کراونڑ دی چھیکڑی مہلت ڈے ڈتی ہے ۔بدھ کوں چیف الیکشن کمشنر جسٹس سردار رضا دی سربراہی اچ 5رکنی بنچ پی ٹی آئی دے بانی رکن اکبر ایس بابر دے پی ٹی آئی فنڈنگ کیس دی باقاعدہ سماعت دا آغاز کیتا ۔درخواست گزار اکبر ایس بابر اپنڑے وکیل احمد حسن شاہ دے نال 5رکنی بنچ دے سامنڑے پیش تھے جڈاں جو پی ٹی آئی ولوں انور منصور عدالت اچ پیش تھے ۔پی ٹی آئی دے وکیل انور منصور پارٹی فنڈنگ کیس اچ فنڈز دی تفصیل جمع کراونڑ دی بجائے ہک نویںدرخواست دائر کر ڈتی جیں اچ دلائل ڈیندے ہوئیں انہاں الیکشن کمیشن کوں ڈسایا جو انورمنصور آکھای جو سپریم کورٹ اچ معاملہ زیرسماعت ہونونڑ پاروںالیکشن کمیشن اپنڑی کاروائی روک ڈیوے، ایہو معاملہ سپریم کورٹ اچ زیرسماعت ہے،الیکشن کمیشن سپریم کورٹ اچ فریق ہے جتھاں اساں جواب ڈے ڈتا ہے، دوران سماعت تحریک انصاف دے وکیل انور منصور اتے چیف الیکشن کمشنر وچال تلخ جملیں دا تبادلہ تھیا ، چیف الیکشن کمشنردا آکھنڑ ہئی جو تساں جواب جمع کراﺅ ولا ڈٹھا ویسی جو کیا کرنڑاں ہے جیں تے انور منصور آکھیا جو میں4 سال دا بال کائنی تساں میکوں آکھو جو ڈٹھا ویسی، میں ہک سینئر وکیل ہاں تساں کوں میں نال ایں طرح گالھ نی کرنڑیں چاہیدی ،چیف الیکشن کمشنر آکھیا جو زیادہ جذباتی ہوونڑ دی ضرورت کائنی‘اساں تساں توں زیادہ سینئر ہوں۔ اکبر ایس بابر دے وکیل موقف اختیار کیتا جو الیکشن کمیشن ولوں 21 آرڈر ڈتے گے ہن ہک واری دی تفصیل جمع نی کرائی گی ۔ تحریک انصاف فنڈز دی تفصیل ڈیونڑ دی بجائے ہر سماعت تے نویں درخواست ڈیندی پئی ہے ۔ درخواست گزاردے وکیل استدعا کیتی جو تحریک انصاف دی درخواست قابل سماعت کائنی مسترد کیتی ونجے۔چیف الیکشن کمشنر ڈوہیں پاسوں دلائل پورے تھیونڑ تے فیصلہ محفوظ کر گھدا ۔کجھ دیر بعد 5رکنی بنچ دا محفوظ فیصلہ سنڑایا گیا جیں اچ بنچ پی ٹی آئی دی درخواست کوں مسترد کریندے ہوئیں پی ٹی آئی کوں فنڈنگ دی تفصیل جمع کراونڑ دی چھیکڑی مہلت ڈے تے سماعت 7ستمبر تئیں ملتوی کر ڈتی ۔

مضمون کا ماخذ : آن لائن لاٹری ویب سائٹ

متعلقہ مضامین