پاکستان دی حکومت ،عوام،مسلح فوج اتے قومی سلامتی دے ادارے دہشت گردی دے خلاف جنگ اچ کٹھے ہیسے اتے کٹھے راہسوں ،وزیر اعظم محمد نواز شریف دا قومی اسمبلی اچ سانحہ کوئٹہ تے پالیسی بیان

Pakistan's Prime Minister Nawaz Sharif speaks during a news conference with Thailand counterpart Yingluck Shinawatra (not pictured) at the Prime Minister's residence in Islamabad August 20, 2013. REUTERS/Mian Khursheed (PAKISTAN - Tags: CIVIL UNREST POLITICS)

اسلام آباد ۔ 10 اگست(اے پی پی) وزیراعظم محمد نواز شریف آکھیا جو اساڈا اتحاد ای شیطانی قوتاں کوں منہ تروڑ جواب ڈے سگدے۔پاکستان دی حکومت ،عوام،مسلح فوج اتے قومی سلامتی دے ادارے دہشت گردی دے خلاف جنگ اچ کٹھے ہیسے اتے کٹھے راہسوں اتے اوں جنگ کوں اخیری انجام تئیں پجیسوں ،دہشت گردی کوں ختم کرنڑ دا جیڑھا عزم غیر متزلزل کائنا تھیونڑ ڈیسوں جڈانجو پہلے توں ودھ عزم نال اگوں ودھسوں،اساں ہر قیمت تے ایں نظریے کوں ہراونڑاں اے،اساں انہاں مکروہ عزائم کوں مٹی اچ ملائے بغیر چین نال کائنا بہسوں،چین پاکستان اقتصادی راہداری منصوبہ نال روشن تھی امکانات دی وسیع دنیا اساڈے دشمناں کوں ہضم کائنی تھیندی پئی ،انہاں دا مقابلہ کرنڑ سانگے اساڈا متحد تھیونڑ ضروری اے،مقبوضہ کشمیر اچ بھارتی مظالم تے پاکستان چُپ نی رہ سگدا،پاکستان کوں ہر مکتبہ فکر،عقیدے،رنگ تے نسل دے لوکاں سانگے محفوظ سرزمین بنڑاونڑ اساڈا مشن اے،اے پوری قوم اتے سیاسی جماعتاں دا مشن اتے قائد اعظم دا وژن اے،پاکستان دے انٹیلی جنس ادارے ڈینھ رات محنت کر تے دہشت گردی کوں ناکام بنڑاونر اچ مصروف ہیسے۔بدھ کوں قومی اسمبلی اچ سانحہ کوئٹہ تے پالیسی بیان ڈیندیں ہوئیں وزیر اعظم آکھیا جو کوئٹہ اچ تھیونڑ آلے دہشت گردی دے واقعہ پوری قوم کوں سوگوار کر ڈتا گئے ،اساں دہشت گردی کوں ختم کرنڑ دا جیڑھا عزم کیتے ایں واقعہ کوں غیر متزلزل کائنی کیتا ونج سگدے۔انہاں آکھیا جو گمراہ عناصر کڈاہیں اسماعیلی برادری کوں کراچی اچ ٹارگٹ کریندے پئن تاں کڈاہیں کوئٹہ اچ ہزارہ برادری کوں دہشت گردی دا نشانہ بنڑیندے پئن ،کڈاہیں پشاور اچ چرچ تے حملہ کیتا ویندا پئے تاں کڈاہیں آرمی پبلک سکول اچ معصوم بالاں کوں نشانہ بنڑیندے پئن ۔بلوچستان بہتر تھیندا پئے اے انہاں کوں برداشت کائنی ۔اساں انہاں مکروہ عزائم کوں خاک اچ ملائے بغیر چین نال کائنا بہسوں ۔وزیر اعظم محمد نواز شریف آکھیا جو او ہک واری ولا اے آکھنڑ چاہندن جو پاکستان دی حکومت،پاکستان دی عوام ،مسلح فوج،قومی سلامتی دے ادارے دہشت گردی دے خلاف جنگ اچ کٹھے ہن اتے کٹھے رہسن۔

مضمون کا ماخذ : نتیجہ میگا سینا

متعلقہ مضامین