اسلام آباد۔24دسمبر(اے پی پی)وفاقی وزیر اطلاعات و نشریات چوہدری فواد حسین آکھیے جو وزیراعظم عمران خان خیبر پختونخوا اچ پہلے مرحلے دے بلدیاتی انتخابات اچ پی ٹی آئی دی کارکردگی تے عدم اطمینان کریندے پارٹی دیاں ساریاں تنظیماں تحلیل کر ݙتن اتے پی ٹی آئی دی قومی قیادت تے مشتمل 20 رکنی آئینی کمیٹی پارٹی دیاں نویں تنظیماں بارے بنیادی ڈھانچہ ولا پیش کریسی۔ اے ڳالھ انہاں پاکستان تحریک انصاف دے چیئرمین وزیراعظم عمران خان دی زیر صدارت پاکستان تحریک انصاف دی سینئر قیادت دے اجلاس دے بعد میڈیا نال الیندے آکھی جو پارٹی دے نویں آئین تے کم تھیندا پئے، نویاں تنظیماں باہم صلاح مشورے توں بعد ٻݨایاں ویسن۔ انہاں آکھیا جو اجلاس اچ خیبرپختونخوا دے بلدیاتی انتخابات اتے پاکستان دی عمومی صورتحال تے غور تھیا، پی ٹی آئی ملک دی وݙی سیاسی جماعت اے جیندا گوادر توں خیبر اتے کراچی تئیں ووٹ بنک اے اتے عمران خان وفاق دے لیڈر ہین، پیپلز پارٹی اندرون سندھ اتے ن لیگ پنجاب دیاں جماعتاں ہین۔ انہاں آکھیا پاکستان تحریک انصاف دی سیاست متاثر تھئی تاں ایندے نال پاکستان دی سیاست متاثر تھیسی، عمران خان سیاست کوں مشن سمڄھدن اتے او ذاتی و خاندانی سیاست تے یقین نئیں رکھدے۔ انہاں آکھیا جو خیبر پختونخوا دے بلدیاتی انتخابات اچ میرٹ ہک پاسے سٹ تے ٹکٹ ونݙیے ڳین اتے وزیراعظم شکایات تے ناراضگی ݙکھائی اے جیندے بعد ساریاں تنظیماں تحلیل کر تے سارے عہدیداراں کوں ہتا ݙتے۔ نویں تمظیم سازی کیتے 21 رکنی آئینی کمیٹی اچ خیبر پختونخوا توں پرویز خٹک، محمود خان، مراد سعید، اسد قیصر، علی امین گنڈا پور شامل ہین، پنجاب توں میں (فواد چوہدری)، شاہ محمود قریشی، حماد اظہر، خسرو بختیار، چوہدری محمد سرور، سیف اللہ نیازی، عامر کیانی، عثمان بزدار شامل ہوسن۔ بلوچستان توں قاسم سوری اتے سندھ توں عمران اسماعیل اتے علی زیدی ڄݙاں جو وفاقی دارالحکومت توں اسد عمر کمیٹی اچ شامل ہوسن۔ کہیں وی رشتہ دار کوں ٹکٹ ݙیوݨ دے معاملے تے خصوصی کمیٹی ٻ??ائ?? ویسی جیندے بعد حتمی فیصلہ کیتا ویسین اتے ٹکٹ ݙیوݨ دا طریقہ کار طے کیتا ویسی جیندی منظوری وزیراعظم ݙیسن۔ چوہدری فواد آکھیا جو فنانس بل ساݙا ذاتی بل نئیں، آئی ایم ایف پروگرام نئیں چاہندے تاں اپوزیشن ایندا متبادل حل وی ݙیوے، جیڑھا ارباں روپے دا قرض انہاں اپݨے دور اچ ڳھدے او ساکوں ݙیوݨا پوندا پئے، اے ایندا وی کوئی حل ݙیون۔
.jpg)
