حکومت اتے تحریک لبیک وچال اتفاق رائے نال معاہدہ طے تھی ڳئے ، معاہدہ دے مثبت نتیجے آندے ھک ہفتے تئیں سامݨے آویسن ، حکومت ایں حوالے نال ترائے رکنی کمیٹی بݨا ݙتی اے

APP17-311021 ISLAMABAD: October 31 - Speaker National Assembly, Asad Qaisar, Foreign Minister Makhdoom Shah Mahmood Qureshi, MoS for Parliamentary Affairs, Ali Muhammad Khan and Mufti Muneeb-Ur-Rehman jointly address Press Conference. APP photo by Irshad Sheikh

اسلام آباد۔31اکتوبر (اے پی پی): حکومت اتے تحریک لبیک وچال اتفاق رائے نال معاہدہ طے تھی ڳئے ، معاہدہ دے مثبت نتیجے آندے ھک ہفتے تئیں سامݨے آویسن ، حکومت ایں حوالے نال ترائے رکنی کمیٹی بݨا ݙتی اے۔جݙاں جو وزیرخارجہ شاہ محمود قریشی تے م??تی منیب الرحان آکھیے جو معاہدے اچ امن و سلامتی کیتے مخلصانہ جدوجہد کیتی ڳئی اتے سارے شراکت داراں ایں حوالے نال بہترین کردار ادا کیتے، مذکرات جبر اتے تڑی دے ماحول اچ نی بلکہ سنجیدہ اتے آزادانہ ماحول اچ تھئن ،انتشاراچ پاکستان دا فیدہ کائنی ،انہاں قوتاں دا فیدہ اے جیڑھے م??ک اچ افراتفری کھنڈاوݨ چاہندن ، علماء اکرام فہم و فراست ??وں کم گھندے ہوئیں ملک کوں بحران ??وں بچا ڳھدے ، قومی سلامتی دے اجلاس اچ مذاکرات کوں ترجیحی ݙیوݨ دا فیصلہ کیتا ہئی ۔اتوار کوں وفاقی وزیر خارجہ شاہ محمود قریشی ، مفتی منیب الرحمان،سپیکر قومی اسمبلی اسد قیصر ، وزیر مملکت پارلیمانی امور علی محمد خان دے رلے پریس کانفرنس ??وں خطاب کریندے ہوئیں آکھیے جو سارے علماء و مشائخ تے اکابرین دا دلوںشکریہ ادا کرینداں جنہاں ملک کوں انتشار??وں بچائے ۔ وزیر خارجہ آکھیے جو او جݙاں تہران ??وں اتھاں پڄے تاں نیشنل سکیورٹی کمیٹی دا اجلاس تھیا ، اجلاس اچ لمبی مشاورت دے بعد اےفیصلہ کیتا ڳئے جو اساں مذاکرات کوں ترجیح ݙیوݨی اے ، مسئلہ کوں طاقت نال نی بلکہ مصلحت نال حل کرݨا اے ۔ انہاں آکھیے جو ایں عرصے دے دوران املاک کوں ضیان ، لوکاں کوں ہسپتال پڄاوݨ اچ اوکھ ، ٻالاں کوں س??ول ونڄݨ اچ اوکھ ، معاشی ضیان دا ݙر تھی سڳدے تاں جو حکومت اتے تحریک لبیک ایں ساری صورتحال کوں سامݨے رکھیندے ہوئیں ھک پرامن اتے بہتری دا رستہ اختیار کیتے تے سارے اہل سنت دے قائدین تے تحریک لبیک دی قیادت دا شکریہ ادا کرینداں جنہاں ایں کار خیر اچ حصہ ڳھدے ۔ وزیر خارجہ آکھیے جو ایں کار خیر اچ جنہاں علماء کرام حصہ ڳھدے انہاں وچ مفتی منیب الرحمان ، مولانا بشیر فاروق قادری ، ثروت اعجاز قادری ، صاحبزادہ حامد رضا اتے پورے م??ک ??وں ٻئے علماء و مشائخ شرکت کیتی ۔ وزیر خارجہ آکھیے جو ملک و ملت دے م??اد کوں سامݨے رکھیندے ہوئیں آکھیا ڳئے جو انتشار وچ پاکستان دا فیدہ کائنی بلکہ انہاں قوتاں دا فیدہ اے جیڑھے م??ک اچ افرا تفری کھنڈاوݨ چاہندن اساکوں اللہ تعالیٰ سرخرو کیتے ، پوری قوم کوں مبارخ ݙیندوں ، ایں موقع تے خطاب کریندے ہوئیں مفتی منیب الرحمان آکھیے جو او میڈیادے شکر گزار ہن جنہاں کار خیر دے ودھارے کیتے پوری قوم اتے معاملات کوں مثبت رنگ ݙتے ۔ انہاں آکھیےجو وزیر اعظم عمران خان دی طرفوں ٻہوں سنجیدہ ترائے لوکاں تے مشتمل کمیٹی قائم کیتی ڳئی اے ۔کمیٹی اچ حکومت دی طرفوں وزیر خارجہ شاہ محمود قریشی ، سپیکر قومی اسمبلی اسد قیصر اتے وزیر مملکت پارلیمانی امور علی محمد خان جݙاں جو تحریک لبیک دی طرفوں مفتی عمیر ، علامہ غلام عباس اتے حافظ حفیظ شامل ہن۔ انہاں آکھیے جو وزیر اعظم عمران خان دا شکر گزار ہاں جنہاں ایں کوں اختیار اتے کمیٹی تے اعتماد کیتے ، انہاں سنجیدگی نال مسئلہ کوں حل کرݨ کیتے تعمیر ی کردار ادا کیتے۔ ای?? طرح تحریک لبیک دی طرفوں کمیٹی کوں حافظ سعد حسین رضوی دی حمایت حاصل اے ۔ انہاں آکھیے جو قوم ??وں گزارش کرݨ چاہنداںجو پاکستان اسلام اتے حب الوطنی کوں سامݨے رکھیندے ہوئیں انسانی جاناں دا تحفظ یقینی بݨاوے ۔