”ے پی پی “ولوں عالمی خبر رساں اداریاں دی کانفرنس ”آئی سی این اے“دے حوالے نال اہم اجلاس
APP61-12
ISLAMABAD: May 11 MD APP Masood Malik chairing a meeting with delegates from different international news agencies as the two-day International Conference of News Agencies (ICNA) is set to open on Sunday, the delegates from various countries arriving in the federal capital to attend the event, being held on May 13-14 being organized by the Associated Press of Pakistan (APP) under the theme, Pakistans Media Opportunities and Challenges with special focus on News Agencies Emerging Professional Challenges.' APP photo by Irfan Mahmood
اسلام آباد ۔ 12 مئی (اے پی پی) قومی خبررساں ادارے ایسوسی ایٹڈ پریس آف پاکستان ”اے پی پی “ولوں عالمی خبررساں اداریاں دی کانفرنس ”آئی سی این اے“بارے ہک اہم اجلاس ”اے پی پی “دے مرکزی دفتر اچ تھئے ۔ چھنڑ چھنڑ کوں اتھاں تھیونڑ آلے اجلاس اچ کانفرنس دے انتظامات بارے” اے پی پی“ دے ایگزیکٹیو ڈائریکٹر محمد طاہر حسن ، ڈائریکٹر نیوز اکرم ملک ، ڈائریکٹر ڈپلومیٹک افیئرز قمر اللہ چوھدری اتے معاون انٹرنل کمیٹیاں تفصیلی رپورٹس پیش کیتیاں۔ اجلاس دی صدارت کریندے ہوئیں اے پی پی دے مینجنگ ڈائریکٹر مسعود ملک انتظامات بارے تسلی ظاہر کریندے ہوئیں امید کیتی جو ’آئی سی این اے“ دے مقاصد کوں حاصل کرنڑ کیتے جو طریقہ کار ترتیب ڈتا گئے ، او کانفرنس دے موضوعات دا مکمل احاطہ کریسی اتے ایں بارے عملی اقدامات اُتے مبنی جامع لائحہ عمل کوں آگوں ودھاونڑ اچ مددڈیسی ۔ انہاں ایں گالھ اُتے زورڈٹا جو میڈیا دی دنیا توں تعلق رکھنڑآلے جیہڑے شرکاءپاکستان آئے ہن ، انہاں کوں مستقل بنیاداں اُتے ہک ایں طرح دا پلیٹ فارم تشکیل ڈیونڑاں چاہیدے جیہڑا جو آونڑ آلے دور دے خبری تقاضیاں کوں بھر پور انداز اچ پیش کرسگے ۔ انہاں خبری رابطیاں اچ اجوکے دور دی تیزی کوں ہک اہم سنگ میل قرار ڈیندے ہوئیں آکھے جو مستقبل اچ انہاں رابطیاں اچ بئی تیزی اتے جامعیت دے اشارے ملدے پئے ہن ، جیہڑے ادارے انہاں اہداف کوںحاصل کرنڑاچ ناکام راہسن ، او میڈیا دی دنیا اچ آپنڑیں ساکھ گُم کرڈیسن ، مسابقت دی ایں دوڑ اچ ساری دنیا دے خبررساں اداریاں دی اہمیت پہلے توں ودھ اہمیت اختیار کرگئی ہے۔” اے پی پی“ دے ایگزیکٹیو ڈائریکٹر محمد طاہر حسن اجلاس دے انتظامات بارے ڈسایا جو کانفرنس دے شرکاءکوں بہترین سہولتاں ڈتیاں ویسن ، اتے دور پریں تئیں سارے امور دی براہ راست نگرانی کیتی ویسی ۔ انہاں امید کیتی جو پاکستان دیاں70سالہ تقریبات دے حوالے نال کانفرنس ہک معتبر حوالے نال یاد گار ثابت تھیسی اتے کانفرنس اچ شامل چار مختلف نشستاں دے موضوعات موجودہ عہد اچ انفارمیشن دی لمحہ بہ لمحہ تبدیل تھیندی صورت حال دے پس اتے پیش منظر کوں جاننڑ دی راہ ہموار کریسن۔ کانفرنس اچ شامل موضوعات دیاں چارمرکزی نشستاں توں اہم مقررین خطاب کریسن ۔
.jpg)
